دبش وزلط

مبقتش فاهم حاجة مين الصح ومين الغلط

كله قاعد بيفتى وبكلامه يرمى دبش وزلط

اللى يقولك انت خاين لبلدك ومن يومك عميل

واللى يقولك انت عظيم و وطنى بترد الجميل

فرحت لما شوفت بلدى بتتغير على ايد ولادها

وبقى لنا صوت مسموع نعوض بيه اللى فاتها

نزلت من نظرى

 ياريت بقى تبعد  خلاص نزلت من نظرى

فى الاول اكيد هتعب وهرتاح بقيت عمرى

كرهتك وكرهت سيرتك ياريتنى ما قابلتك

مكسوف بتدارى خيبتك و بناقص معرفتك 

مبتقش عايز اشوفك لو ثانية قدامى

دلوقتى انت خلاص مبقتش احلامى

فاكرنى هنسى واسامح وهبدأ من جديد

ده يوم بعادك عنى دلوقتى اكبر عيد

هدوس عليك وهعدى فوق قلبك القاسى

هتيجى تتمنى قربى اشوفك اعمل ناسى

مش هرتاح ابدا غير لما اشوفك بتأسى

لازم تحس وتدوق من جرح احساسى

متحاولش فى يوم تقرب مش هتلاقى الا القسيه

متبكيش ولا دمعه منك وكفاية دور الضحية 

حبيتك عشقتك وكنت شايفك  اجمل هدية

قفلت قلبى وخلاص انا بعت القضية